Die amptelike persverklaring wat hieronder ingesluit word, is nie 'n nuusberig deur Kerkbode nie. Die persverklaring word in sy geheel hier gepubliseer vir die rekord en ter wille van lidmate se vrye toegang tot amptelike inligting in die kerk.
Sinodale Diensraad van Oostelike Sinode, NG Kerk
25 Februarie 2026
Verklaring na aanleiding van die intergodsdienstige byeenkoms van 26 Oktober 2025 by Die Groote Kerk, Kaapstad.
Die Sinodale Diensraad (SDR) van die Oostelike Sinode het kennis geneem van die intergodsdienstige byeenkoms wat op 26 Oktober 2025 in Die Groote Kerk (Kaapstad-gemeente) plaasgevind het. Die Sinodale Diensraad het die gebeure tydens vergaderings op 6 November 2025 en 12 Februarie 2026 behandel en verklaar — met inagneming van die terugvoer by die Algemene Sinodale Moderamen (ASM) — as volg:
- Die SDR distansieer homself van intergodsdienstige byeenkomste wat die indruk skep dat die Christelike geloof en die Islam ’n gemeenskaplike geloofsgrondslag deel.
- Ons bevestig onomwonde ons belydenis dat Jesus Christus, as die Seun van God, die enigste weg tot saligheid is.
Die SDR respekteer die besluit dat die Sinode van Wes-Kaapland en die Ring van Kaap die Goeie Hoop die saak hanteer.
Namens die Sinodale Diensraad van die Oostelike Sinode
- Ondersteun
Nuusbrief: Bly op hoogte
Teken in op Kerkbode se weeklikse nuusbrief vir vars nuus, briewe, vakatures, rubrieke, podsendings en nog meer.