Hierdie is 'n lesersbrief.
Die opinies van briefskrywers weerspieël nie noodwendig die standpunte of oortuigings van die Kerkbode-redaksie of die NG Kerk nie.
Theo Badenhorst van Brackenfell skryf: Pinkstertyd kom al weer nader, en nog ’n geleentheid vir die kerk van Christus om haar roeping te verdiep en te verskerp.
Ons Pinkstergebruik is gebore uit die herlewings van 1860/1. Daarom is gebed vir herlewing eintlik ’n vanselfsprekende saak in die NG Kerk. Dit is veral van waarde te midde van die kerklike spanning in NG geledere. Kom laat ons ons eenheid veral soek deur middel van volgehoue gebed waardeur ons eerstens God se verheerliking soek. Gebed bring biddende Christene altyd nader aan mekaar. God gebruik juis ons eenheid om Homself duideliker aan die wêreld te openbaar. Die komende Pinkstertyd leen hom ideaal daarvoor. Almal soek seën met Pinkstertyd. Mag God se verheerliking ons seën wees.
- Ondersteun
Nuusbrief: Bly op hoogte
Teken in op Kerkbode se weeklikse nuusbrief vir vars nuus, briewe, vakatures, rubrieke, podsendings en nog meer.