NG KERK

BEROEP: Ds Tano Bongers van Schweizer-Reneke na Dealesville.

AANVAAR: Prop CS Engelbrecht (emeritus) na Nigel-Suid; ds JP Buckle (emeritus) na Nigel-Suid; ds Ulrich Konrad-Trümpelmann (emeritus) na Sabie; ds Jasper van der Westhuizen van Riversdal na Port Shepstone; ds Meyer van Wyk van Diamantveld na Piet Retief.

KWAZULU-NATAL

BEVESTIGING

Ds Jasper van der Westhuizen word op Sondag, 8 Maart 2020, in Port Shepstone as leraar bevestig. (Ina Coetzee, Saakgelastigde, 14.02.2020).

VRYSTAAT

BEDANKING

Hiermee word kennis gegee dat CM Erasmus, voorheen leraar van die NG gem Dealesville, Vry­staat, sy bevoegdheid as predikant verloor het op grond van sy bedanking as leraar (vgl Kerkorde 2015, Reglement 11 punt 7.1.4) (Dewyk Ungerer, Bestuur­der ATP, 18.02.2020).

NOORDELIKE SINODE

DEMISSIE

Kennis word gegee dat ds M Jordaan op 16 Februarie 2020 haar akte van demissie ontvang het vanaf die NG Pietersburg-Noord. Die akte van demissie is ontvang na die verstryking van die kontrak vir ’n vastetermynpos. (Ds JM Bezuidenhout, 12.02.2020).

HOËVELD SINODE

EMERITAAT

Dr Jurgens Johannes Schoeman van Aan-die-berg gem (voorheen Aasvoëlkop gem) het sy emeritaat ontvang. Ds Jurie is vanaf 1 Feb 2020 in ’n vaste­termynpos aangestel by Aan-die-Berg gem. (Rian Steenkamp, Ringskriba, 18.02.2020).

Ds Henning Johannes Jacobs van Domus Dei Randburg-Suid gem het sy emeritaat ontvang. (Rian Steenkamp, Ringskriba, 18.02.2020).

Dr Gerhardus Petrus Viljoen du Plooy van Bryanston-gem ontvang emeritaat op DV 29 Feb 2020. (Rian Steenkamp, Ringskriba, 18.02.2020).

BEVESTIGING

Ds Yolandi Kok van Culembeek-gem is na die NG gem Domus Dei Randburg-Suid beroep en het die beroep aangeneem. Sy word DV op Sondag, 5 April 2020, in die gemeente bevestig. Haar afskeidspreek is op 15 Maart 2020 waar sy haar akte van dimissie ontvang en haar intreepreek is op 5 April 2020 by Domus Dei. (Rian Steenkamp, Ringskriba, 18.02.2020).

OOSTELIKE SINODE

KENNISGEWING

Die Sinodale Diensraad van die NG Kerk Oostelike Sinode gee hiermee kennis van ’n Buitengewone Sinodesitting wat op 2 April 2020 by die gemeentekompleks van die NG Kerk Pierre van Ryne­veld gehou word. (FJ Retief, Uitvoerende Amptenaar, 19.02.2020).

Stuur Amptelike Nuus na Lida Viljoen by lida@tydskrifte.co.za