Die nuwe vertaling van die Bybel in Afrikaans kry goeie aftrek en daar word eersdaags voorsiening gemaak vir Die Bybel: 2020-vertaling om ook in grootdrukformaat te verskyn.

“Die groter teks gaan beslis help dat hierdie Bybel makliker leesbaar sal wees vir persone met sigprobleme,” sê die projekleier van die vertaling, prof Bernard Combrink, luidens ’n verklaring wat op 29 April uitgereik is.

LEES OOK: Reeds meer as 26 000 nuwe Afrikaanse Bybels verkoop

Ds Dirk Gevers, uitvoerende hoof van die Bybelgenootskap, sê die drukproses is tans onderweg en die eerste besending van die Afrikaans 2020-vertaling Grootdrukbybels behoort teen einde Augustus beskikbaar te wees, luidens die verklaring.

Die Bybelgenootskap het hierdie Bybelvertaling verlede jaar tydens sy tweede eeufeesvieringe bekendgestel. Sedert die Bybel in Oktober vrygestel is, het voorraad “van die rakke af gevlieg”, volgens dr Francois Sieberhagen van die Bybelgenootskap.

• KOOP: Die Bybel 2020-vertaling is via Bybel-Media se winkel beskikbaar