Theo Badenhorst van Brackenfell skryf: Ek reageer op Arnold Griesel se brief van 2 Oktober 2024. Hy noem 3 leerstellige sake waaroor die Algemene Sinode nie duidelikheid het nie, vir my kardinale sake:
1. die liggaamlike opstanding van Christus
2. die maagdelike geboorte van Christus
3. die bestaan van die duiwel
Ek wil vra of die Moderamen van die Algemene Sinode op hierdie drie punte onomwonde bevestigend kan antwoord. Daar kan gesê word dat daar verskillende opinies in die kerk oor hierdie sake bestaan. Maar die vraag is: Wat bely die kerk, by monde van die Algemene Sinode van die Ned Geref Kerk? Afgesien van ander opinies, wat bely die kerk? Dit sal baie se posisionering teenoor die Algemene Sinode bepaal.