Plaaslike Christenleiers het Woensdag 12 Februarie in ’n verklaring onlangse optrede deur die Amerikaanse regering, soos die onttrekking van steun aan ondermeer MIV-programme in Suider-Afrika via USAID, ten sterkste veroordeel.

Die skrywers sê die narratief van die Amerikaanse regering onder leiding van pres Trump is gebaseer op “verdigsels, verdraaiings en blatante leuens” oor die situasie in Suid-Afrika en “doen ook afbreuk aan die belangrike werk om veiliger, gesonder gemeenskappe te bou en die komplekse geskiedenis van grondonteiening deur wit Europeërs van swart Afrikane, wat ’n meerderheid van die land vorm, aan te spreek.”

Die verklaring is intussen deur meer as 300 mense, waaronder heelparty NG dominees, onderteken en werf nog steun aanlyn.

Lees ook: Pastorale brief: ‘Ons skryf uit ʼn diepe besorgdheid aan julle, met ʼn hartsgebed dat God Hom oor ons almal sal ontferm’ – ASM Dagbestuur aan gemeentes van NGK

Die groep lig uit dat hulle uiters bekommerd is oor die onttrekking van Amerikaanse hulp en die nadelige impak wat dit in besonder sal hê op die MIV-gemeenskap wat op antiretrovirale medikasie staatmaak, en vir wie toegang tot hierdie medikasie lewensnoodsaaklik is.

Lees meer: Statement from White South African Christian Leaders on Recent Actions by the United States Government

• Opgedateer na publikasie.