Hierdie is 'n lesersbrief.
Die opinies van briefskrywers weerspieël nie noodwendig die standpunte of oortuigings van die Kerkbode-redaksie of die NG Kerk nie.
Johannes de Villiers van Eversdal skryf: Die brief van dr Roelf Opperman “Dié standpunt oor vroue breek af en maak seer” verwys. U fokus op die pyn wat sommige ervaar in verband met die amp van leraar. Die kernvraag is egter nie gevoelens nie, maar gehoorsaamheid aan God se Woord. Die amp en lering word nie deur subjektiewe belewenis gereguleer nie, maar deur die Skrif.
Jesus het gesê: “As iemand agter My aan wil kom, moet hy homself verloën en sy kruis opneem” (Matt 16:24).
Die kruis dui op die noodsaak om die waarheid van God bo eie begeertes te plaas. Paulus verduidelik dat die amp van leraar en ouderling aan vaste vereistes gebonde is: onberispelik, huisgeskik, huweliksgetrou, voorbeeldelik in die gemeente en kinders in beheer (1 Tim 3:1-7; Titus 1:5-9). Hierdie maatstawwe is nie opsioneel nie en beskerm die gemeente teen verkeerde leiding.
Wanneer emosie of sosiale druk bepaal wie die amp mag beklee, word die gesag van die Skrif ondermyn en die gemeente in gevaar gestel. Liefde en deernis kan nooit die maatstawwe van die Woord vervang nie (1 Kor 13:6). Ware leiding beteken konsekwentheid met God se orde, ongeag ongemak of kritiek (Jak 3:1).
Die Bybel waarsku dat mense die gesonde leer nie altyd sal verdra nie: “Daar sal ’n tyd kom wanneer hulle nie die gesonde leer sal verdra nie, maar volgens hulle eie begeertes leraars sal vergader” (2 Tim 4:3-4).
Die opdrag van die kerk is duidelik: gehoorsaam aan God se Woord en sy orde, nie aan menslike gevoel of tydsgees nie (Hand 5:29). Die amp is Goddelik ingestel en mag nie aan sosiale druk onderwerp word nie. Waar die kerk konsekwent aan die Skrif bly, beskerm dit die integriteit van die bediening en die geloof van die gemeente.
Die Here is die Hoof van die kerk; sy gesag staan bo alle ander invloede (Ef 5:23; 1 Tim 3:15). Die kerk kan nie eie redes of gevoel bo die Woord plaas nie. Die amp is ’n Goddelike instelling, en dit moet toegepas word in getrouheid aan die Skrif, ongeag die uitdagings wat dit meebring.
- Ondersteun
Nuusbrief: Bly op hoogte
Teken in op Kerkbode se weeklikse nuusbrief vir vars nuus, briewe, vakatures, rubrieke, podsendings en nog meer.
Met verwysing na Johannes de Villiers van Eversdal skryf:
Baie dankie Johannes ,ek dink jy raak die kernprobleem aan . Baie dankie daarvoor . Die maklikste manier vir die mens om sy/haar eie heerskappy en eie wil te laat geld is om die waarde en noodsaaklikheid ,die kardinale belang van die Skrif te relativeer en dit met ‘n eie interpretasie te vervang . Dit maak die veld oop vir letterlik honderde verskillende interpretasies waaroor mens vir eeue kan redeneer sonder om en ige vordering te maak . Die stoele word spreekwoordelik net op die dek van dieselfde skip wat oppad rotse toe is ,rondgeskuif ,want die goeie kompas is tersyde gestel .
Die Woord werk met ‘n perfekte kompas . “Deuteronómium 6:1-2 Afrikaans OV
(1) Dit is dan die gebod, die insettinge en die verordeninge wat die HERE julle God beveel het om julle te leer, sodat julle dit kan doen in die land waarheen julle oortrek om dit in besit te neem;
(2) dat jy die HERE jou God kan vrees om al sy insettinge en sy gebooie wat ek jou beveel, te hou—jy en jou kind en jou kindskind al die dae van jou lewe; en dat jou dae verleng kan word.
Daar is gebooie ,insettinge en verordeninge ,wat ek as protokolle beskou en beskrywe. Lewe en dood hang daarvan af oor watter waarde mens aan hierdie protokolle heg . Die Bybel is op geen manier oop vir die mens om met ons eie denke oor die waarde en aard van protokolle met God te redeneer nie . Ons kan dit net doen en lewe of ignoreer of verander en sterwe ,ten gronde gaan in dit wat ons doen .
Ek wonder net waarom daar ‘n onderskeiding gemaak word tussen God se Woord en Liefde. Is God se Woord nie juis die verhaal van Sy liefde vir die mensdom en die skepping nie?
God se Woord is liefde, ware liefde. Die “liefde en deernis” waarna die skrywer verwys, en wat teenoor God se Woord staan, is wêreldse liefde, vals liefde.
Sjoe! Dankie Gerhard Meyer, ek sal graag wil weet watter ander maatstawwe is in die Bybel wat belangriker as die liefde is!
Die onderskeiding wat die skrywer maak is juis dié tussen ware liefde (God se Woord) en wêreld liefde.
God sé liefde en Sy geregtigheid hert alles met mekaar te doen. Liefde is om die Here sé wil te doen. Lees Joh 15:9&10. Lees ook Joh 3:16 en let wel 17-21. God het ons so lief dat hy ons die lamp vir ons voet en die lig vir ons pad gee. Hy het ons so lief dat hy ons red en dan deur Sy Woord en Gees op die regte pad(Sy wil) hou. Dit is ware liefde en daarvoor het Jesus sy lewe gegee. In hom is alle geregtigheid vervul. Rom 10:4