“Ek spot altyd dat ek nie krieket gekies het nie, maar dat krieket my gekies het,” het die 21-jarige Miané Smit op 26 Februarie, die laaste dag van die vergadering van die Algemene Sinode Moderamen (ASM), in Benoni gesê.

LEES OOK: ASM Februarie 2026: Leiers gee terugvoer van regoor die land – oor sinodesittings, roeping en bek-en-klouseer

Die Protea-krieketspeler van Bloemfontein het haar getuienis gedeel en haar toekomsplanne. Sy het ook gesels oor die aanklank wat sy vind by Heb 12, wat sy voorgelees het: “Terwyl ons dan so ‘n groot skare geloofsgetuies rondom ons het, laat ons elke las van ons afgooi, ook die sonde wat ons so maklik verstrik, en laat ons die wedloop wat vir ons voorlê, met volharding hardloop, die oog gevestig op Jesus, die Begin en Voleinder van die geloof …”