Dit kom ná die ASM in Nov 2025 besluit het om ’n bedrag van R1, 5 miljoen jaarliks (aan die einde van 2025, 2026, 2027) aan die KMDR beskikbaar te stel “vir die onmiddelike aanspreek van maatskaplike behoeftes soos deur daardie organisasies geïdentifiseer.”

Die KMDR is ’n nasionale netwerk van geloofsgebaseerde organisasies, wat vanuit die barmhartigheidsinisiatiewe van die NG Kerk ontstaan het.

Van Rensburg, as KMDR-voorsitter, het dank betuig en terugvoer gegee oor die impak wat daardie besluit glo reeds het. Hy het verwys na ’n strategie om die nuwe fondse regverdig beskikbaar te stel en verduidelik dat van hulle lidorganisasies in ’n oorlewingstryd gewikkel is ná befondsing vanaf die regering drasties verminder is.

Van Rensburg het afgesluit met ’n versoek dat organisasies wat baat gevind het by hierdie fondse hulle stories in kerklike media soos Kerkbode sal vertel. – Heléne Meissenheimer