GEBED – ’N LEWENSREIS MET GOD
Deur Kobus van Zyl
Versorg deur Kreativ SA, 2016

Dr Kobus van Zyl se boek oor die gebed is einde verlede jaar in die Suid-Kaap bekend ge­stel. Kobus is ’n gebore Mosselbaaier. Hy het ná jare in die sendingveld in Kenia en Mosambiek teruggekom na sy ge­boorteplaas, Welbedacht, buite Mosselbaai, waar hy en sy gesin tans woon. Hy is ook as tentmakerleraar betrokke by die NG gemeente Reebok. Tesame met die roeping om ’n voltydse gebedsbediening te begin, het die Van Zyls ’n plek van aanbidding, die Gebedshut, op hulle plaas gevestig.

Die boek is geskryf vanuit die le­wens­ervaringe van Kobus en word aangebied as ’n reisverhaal-met-gebed. Dit omvat persoonlike ervarings wat in ’n gemaklike, informele, narratiewe styl geskryf is. Die ervarings sluit alledaagse stories van familie, vriende, kollegas en ander “medereisigers” in en vertel watter rol gebed in elke situasie gespeel het.

* Vir meer inligting oor Gebed – ’n Le­wensreis met God, skakel dr Van Zyl by 072 349 7948 of die Reebok-kerkkantoor by 044 696 6685 (tydens kantoorure).

▶ Ds Gerhard van Dyk is leraar van die NG gemeente Reebok.