Hierdie is 'n lesersbrief.
Die opinies van briefskrywers weerspieël nie noodwendig die standpunte of oortuigings van die Kerkbode-redaksie of die NG Kerk nie.
Dr Dawie Botes van Vrede-Wes skryf:
Die optogte wat op 7 April in SA plaasgevind het, glo ek is deel van die gebede vir ’n veranderde land.
Sommige sal dit sien as toevallig, maar deur ’n geloofsbril is die Here op pad met die regering en ons land.
Ek daag die kerke in ons land uit en pleit by elke geestelike leier om meer sigbaar te wees in dié tyd.
Die kerke moet juis nou opstaan teen dit wat verkeerd is.
Oor die erge konflik in Rwanda in 1994 het die Katolieke Kerk later gesê hulle vra om verskoning dat hulle nie opgestaan het teen dit wat verkeerd was destyds nie. Die kerke het nog altyd ’n groot rol gespeel in verandering. Die kerke moet nie slapend in dié tyd wees nie.
Daarom daag ek die kerke in SA uit om 18 April én verder baie meer sigbaar te wees en deel te wees van vreedsame samekomste, ook by die parlement. Die kerk moet ’n sigbare kompas wees in dié tyd en hoop gee waar ons mense hopeloos begin voel.
Daarom weer my uitdaging aan alle kerke: Staan op in sy Naam en wees meer sigbaar, moenie bang wees nie!
- Ondersteun
Nuusbrief: Bly op hoogte
Teken in op Kerkbode se weeklikse nuusbrief vir vars nuus, briewe, vakatures, rubrieke, podsendings en nog meer.