• Hierdie kennisgewings is op 4 Augustus 2023 opgedateer.

• Stuur Amptelike nuus na kerkbode@tydskrifte.co.za

AANVAAR

Ds Jan Grobbelaar van Cradock-Oos na Patmos.

WES-KAAPLAND

NAAMSVERANDERING

Die kerkraad van die NG Gemeente Kleinmond het afgelope Woensdag besluit om voortaan ’n meer inklusiewe gebruiksnaam te gee vir die gemeente wat ’n baie groter area bedien as net die dorp Kleinmond. Alhoewel hulle amptelik geregistreerde naam nie nou verander nie, gaan hulle oor die algemeen praat van die NG Gemeente Kogelberg. (Heinrich Carstens, Leraar, 04.08.2023).

OOS-KAAPLAND

AANVAAR

Dit is met ’n baie dankbare hart en met groot opgewondenheid dat die kerkraad kan bevestig dat ds Jan Grobbelaar van NG Gemeente Cradock-Oos die beroep na NG Kerk Patmos amptelik aanvaar het. Sy dienskontrak begin op 1 September 2023 en sy bevestiging sal op 3 September 2023 plaasvind. (Elizna Milne, Skriba, 02.08.2023).

SINODE GOUDLAND

BEVESTIGING

Dr Eduan Naudé het die beroep na die NG Kerk Bospoort aanvaar en word op Saterdag 5 Augustus 2023 om 10:00 bevestig. (Johan Rademeyer, Skriba: Ring van Delareyville, 28.07.2023).

OOSTELIKE SINODE

RINGSITTING

Die Ringsdiensraad van die Ring van Lydenburg gee kennis dat die Ring van Lydenburg ’n ringsitting hou op 19 Augustus 2023 te Waterval-Boven, aangebied deur NG Kerk Machado-Boven. (Johan Koen, Leraar, 01.08.2023).