Kerkbode

Kopiereg © Kerkbode 2024

Katleho Ncaphe is pas bevestig as bedienaar in die NG Kerk, maar is eintlik lankal reeds in die bediening. Foto: Verskaf

Jaco Strydom gesels met Katleho Ncaphe: ‘I try to serve the kingdom’


“My father left me when I was four months old and I stayed with my granny while my mother was working as a domestic worker. Later on, my mother got married to another man. My step dad was abusive, he would beat my mother in front of us and make us watch …” sê Katleho Ncaphe toe ek hom vra oor sy kinderdae.

Hy is pas bevestig as bedienaar in die NG Kerk. Maar Katleho is eintlik lankal reeds in die bediening. Hy werk van 2011 af in die middestad van Pretoria by PEN. Die vier jaar voor dit, was hy betrokke by ’n skoolprojek op Musina.

Ons gesels in die ou NG Arcadia-kerkgebou reg oorkant die Uniegebou in Pretoria. Dit is ’n besige plek, want ’n klomp goed gebeur tegelyk op die terrein. Die konsistorie, waar ons sit, is vol skenkings en toerusting gepak.

Geborg

Dit is ’n groot inspirasie om te sien waarmee Katleho alles besig is by PEN. “Currently, we are running three shelters. One for migrant labourers, one for women with children, and one for men with a baby saver box. Friday to Sunday I am responsible for Arcadia Community Church as the senior pastor,” sê Katleho. Die beste deel van sy werk is om te sien hoe mense verander. Hy vertel hoe straatmense wat aanvanklik kom aanklop het vir hulp, later as hulle weer op hulle voete is, kom aanmeld vir diens om ander te help.

Lees ook: PEN se mooi storie oor 30 jaar was nie sonder pyn nie

Sy hele lewe het verander toe hy op hoërskool tot bekering gekom het. “The people who became the biggest influence in my life were my granny who passed on, my mentor and pastor, Apostle Paul Mopereo, and a missionary called Hanti Badenhorst who used to come to our church to do outreach and introduced me to an NGO called GateWay,” sê hy.

’n Ander persoon wat later ’n groot invloed op sy lewe sou hê, is Francois Smit, die dominee saam met wie hy die afgelope twaalf jaar by PEN werk. Keer op keer in ons gesprek word Francois se naam genoem. Katleho vertel onder andere hoe Francois hom leer bestuur het, die diep geestelike lesse wat by hom geleer het oor Christenwees en hoe hy hom hoop gee vir wat moontlik is in Suid-Afrika vandag.

“You know my friend Francois Smit, I’m here because of people like him. God bless his heart! Oh, people like him, that open doors that are not supposed to be opened. The beauty about people like Francois, who look at the diversity of South Africa and say: ‘The church can’t say we serve US only!’ Who are us? ‘Us’ should be those who God love. The language of the church should be love, not colour or even a certain language. It should be love!”

Lees ook: Jaco Strydom gesels met Maartje en Zander van der Westhuizen: twee besige mense, vol positiewe energie en drome

Dit is dan ook Francois Smit wat Katleho gemotiveer het om in te skryf by die Fakulteit Teologie aan UP om ’n diensleraar te word. Hy is ’n paar weke terug by Universiteitsoord bevestig.

Geborg

Katleho sê dit is ’n groot voorreg. Hy het veral respek vir die feit dat daar so diep in die Bybel ingedelf is in die kursus. Iets in die NG Kerk wat ’n groot indruk op hom maak is dat ouderlinge en diakens so ’n groot rol speel. Hy het al voorheen gevoel predikers het te veel mag. “Pastors must be held accountable by the elders,” sê hy. “The pastor is not God!”

Ek vra oor die diensleraaropleiding. Taal is duidelik vir hom ’n groot ding. Meer as een keer in ons gesprek sê hy iets daaroor. By PEN werk hulle elke dag met mense in nood vanuit verskillende kulture. Die belangrikste is dat almal verstaan, nog meer so omdat hulle die boodskap van God se liefde probeer kommunikeer.

Katleho sê dit was met tye moeiliker as wat hy gedink het dit gaan wees. Die dosente het hom probeer akkommodeer, maar die klas sou dikwels vergeet van hom. Hy verstaan bitter min Afrikaans en moes gedurig Google Translate.

“At times I felt, how can the people who say they serve God, not recognise the language they speak are excluding someone? What kind of love is this? What kind of God do they serve? Sometimes I went back to my wife and said, I’m a Sotho, but I don’t hold on to my language, I try to serve the kingdom.”

Dankie tog Paulus het nie aangedring daarop om in Hebreeus of Aramees te preek en te skryf nie, maar in Grieks sodat soveel mense as moontlik kon verstaan, dink ek by myself terwyl Katleho aan ’t vertel is.

Katleho sê die Here het hom baie geleer in die kursus, en hy is dankbaar teenoor die kerk wat hom geborg het, die studente en die dosente wat moeite gedoen het, maar hy dink die Here wou hom ook gebruik.

Op ’n dag het hy vir die klas gesê, julle is mos almal in ’n kerk, maar sê nou iemand van byvoorbeeld Burundi wil saam met sy broers en susters aanbid. Die persoon is lief vir die Here en herken die simbole in die kerk, want hy is ’n broer in die Here. Gaan julle net aangaan met ’n liturgie wat hy nie verstaan nie? Behandel jy hom dan soos ’n broer?

Geborg

Hy sê die kerk reik dikwels graag uit na swartmense, maar ons moet oppas dat ons nie bloot ’n tipe “bluetooth bediening” het van “we are here but you stay there!” nie.

Lees ook: KYK: Ds Charlotte se uitdaging aan NG Kerk oor diversiteit (Dag 4 van Wes-Kaapland sinode)

“For me to be confirmed as the service minister in the NG Kerk is the continuation of what God started before I was born. I am just becoming part of the big picture of God. One wagon of the laager has made space for those, who they used to only reach out to by going on outreaches, but were never included inside the laager. And this for me is the manifestation of God’s divine grace. The language of the true kingdom is love that goes beyond colour, race or gender,” sê hy – in Engels, sodat ek ook kan verstaan.

Ds Jaco Strydom is verbonde aan die Echo-Jeugontwikkeling en die NG Kerk Villieria.

Hierdie berig is ná publikasie aangepas vir akkuraatheid. – Red. 


Geborg

Nuusbrief: Bly op hoogte

Teken in op Kerkbode se weeklikse nuusbrief vir vars nuus, briewe, vakatures, rubrieke, podsendings en nog meer.

Scroll to Top

Ondersteun Kerkbode se joernalistieke projek

Ons redaksionele invalshoek is “Meer lig as hitte”. Ons hou jou op hoogte van kerknuus en bied ’n platform vir verhelderende lesersdeelname.
Teken in op ons weeklikse elektroniese nuusbrief of ondersteun ons werk vir so min as R20 per maand

Your Image Your Image Your Image

Die Kerkbode-toepassing (app) is beskikbaar op jou selfoon. Installeer dit vandag nog.

LUISTER - Kerkbode se weeklikse podsendings.