Kerkbode

Kopiereg © Kerkbode 2024

Gedagtes oor die Kersboom en ’n gebed vir die Christusfees


Die Kersboom herinner ons aan Christus, skryf dr Nico Simpson wat ook ’n gebed vir die Christusfees wil deel. 

In die elfde eeu het die kerk dikwels dramas opgevoer oor die paradys-boom. Dié boom herinner aan die tuin van Eden, die boom van die lewe maar ook die boom (kruis) waaraan Jesus gekruisig is. 

Die Kersboom is tradisioneel opgemaak met vrugte, klein broodjies en lekkers om ons aan die tuin van Eden te herinner. 

Geborg

Later is die versierings uitgebrei na simbole wat dele van Christus se lewe voorstel:
• brood (wys na die nagmaal),
• skoenlapper (wys na die opstanding en nuwe lewe in Christus),
• kerse en ligte (herinner ons aan Christus, die Lig vir die wêreld),
• sterre (simbool van die aankondiging van Jesus se geboorte),
• kruise,
• visse (teken van vroeë Christene), en
• engele (teenwoordig by Christus se geboorte).

Christusfees-GEBED

Laat ons God se helder oggendster verwelkom.
’n Kind gebore in ’n stal.
’n Seun gestuur om die wêreld te red.
’n Redder wat alles kom nuut maak. 

Mag u lig op ons skyn.
Mag u lig in ons skyn.
Mag u lig deur ons skyn. 

Mag die lig van hierdie Christus-fees
die ster wees wat ons lei na die nuwe lewe.

Mag hierdie Kerstyd ’n tyd van verwondering, ontdekking, rus, omgee, toewyding en vervulling vir jou en al jou mense wees. 

  • Dr Nico Simpson is hoof van Bybel-Media wat ondermeer ook Kerkbode en die Christelike leefstyltydskrif LiG uitgee.

Geborg

Nuusbrief: Bly op hoogte

Teken in op Kerkbode se weeklikse nuusbrief vir vars nuus, briewe, vakatures, rubrieke, podsendings en nog meer.

Scroll to Top

Ondersteun Kerkbode se joernalistieke projek

Ons redaksionele invalshoek is “Meer lig as hitte”. Ons hou jou op hoogte van kerknuus en bied ’n platform vir verhelderende lesersdeelname.
Teken in op ons weeklikse elektroniese nuusbrief of ondersteun ons werk vir so min as R20 per maand

Your Image Your Image Your Image

Die Kerkbode-toepassing (app) is beskikbaar op jou selfoon. Installeer dit vandag nog.

LUISTER - Kerkbode se weeklikse podsendings.