• Hierdie kennisgewings is op 16 Februarie 2024 opgedateer.
• Stuur Amptelike Nuus na kerkbode@tydskrifte.co.za

BEROEP

Prop JD (Japie) Krige as diensleraar na Melville.

AANVAAR

Ds Ruan Janse van Rensburg na Hulp en Hoop (Mokopane).

GOUDLAND

EMERITAAT

Ds Barend Cornelius Botha (Ben) van NG Lig en Lewe emeriteer op 29 Februarie 2024. Die Ring van Lichtenburg oorhandig sy Akte van Demissie by Emeritaat op 3 Maart 2024. Ds Ben Botha bly aan in die gemeente as voltydse leraar in ’n vastetermynpos. (Dr Gavin Meistre, Skriba: Ring van Lichtenburg, 12.02.2024).

NOORDELIKE

BEVESTIGING

Ds Ruan Janse van Rensburg het die beroep na NG Hulp en Hoop Gemeenskapskerk (Mokopane) as jeugleraar (kontrakpos vaste termyn vir twee jaar) aanvaar. Sy bevestiging en intreepreek vind plaas op 3 Maart. (Anita Hurn, Admin Beampte, 14.02.2024).

EMERITAAT

Ds Anton Pienaar, NG Gemeente Suidoos-Pretoria (Stellastraat), ontvang op 10 Maart 2024 demissie met emeritaat. Hy bly aan in die gemeente met ’n termynkontrak. (Malan Nel, Kantoorkoördineerder, 16.02.2024).

HOËVELD

BEROEP

Die kerkraad van Melville Kruisgemeente het op sy beroepingvergadering van 24 Januarie 2024 vir prop JD (Japie) Krige as Diensleraar: Onderrig en Lering beroep. (Lara Botha, Kantoorbestuurder, 12.02.2024).