• Hierdie kennisgewings is op 5 Julie 2024 opgedateer.

• Stuur Amptelike Nuus na kerkbode@tydskrifte.co.za

BEROEP

Dr JHF (Johan) Taute van Lux Mundi na Ventersdorp.

AANVAAR

Dr C (Charles) Mitchell (emeritus) na Aandbloem.

VRYSTAAT

BEVESTIGING

Dr Charles Mitchell is beroep na NG Gemeente Aandbloem op Bloemfontein. Hy is op 30 Junie tydens die erediens deur ds Christo Louw, leraar van Aandbloem-gemeente, bevestig as medeleraar van die gemeente in ’n vaste pos. (Veronica Pretorius, gemeentebestuurder, 01.07.2024).

GOUDLAND

BEROEP

Op ’n buitengewone kerkraadsvergadering gehou op 18 Junie 2024, het die kerkraad van die NG Gemeente Ventersdorp vir dr Johan Taute (deeltydse leraar by Lux Mundi-gemeente) beroep in ’n vastetermynpos. (Irma van der Walt, saakgelastigde, 04.01.2024).

NOORDELIKE

RINGSITTING

Hiermee word kennis gegee dat die 61ste gewone ringsvergadering van die Ring van Pietpotgieter sal plaasvind op 5 Augustus 2024 by Roedtan-gemeente. (Ds Jacques Erasmus, ringskriba, 01.07.2024).

BEVESTIGING

Hiermee gee die kerkraad van die NG Gemeente Andrew Murray Pretoria kennis dat Méri Schoeman op Sondag, 30 Junie 2024 tydens die oggenddiens om 09:00 as voltydse leraar in die gemeente bevestig is. Sy is getroud met Juan, en het twee kinders, Owen (4) en Lara-Li (16 maande). Méri was van 2017 tot 2020 in diens van NG Gemeente Umhlanga, waarna sy na die buiteland is met proponentsbevoegdheid. Dr Neels du Randt van Melville Kruisgemeente het die bevestiging waargeneem. Méri se bevoegdheid verander na haar bevestiging op 30 Junie 2024 van proponent na predikant. (Anthony Tosen, gemeentebestuurder, 01.07.2024).