Leraars beweeg (Amptelike Nuus – 06 September 2024)

• Hierdie kennisgewings is op 06 September 2024 opgedateer. 
• Stuur Amptelike Nuus na kerkbode@tydskrifte.co.za

BEROEP

Ds T (Tertius) Naude van Meerensee na Noordkus; ds JPM (Kobus) Stapelberg van Humansdorp na Parkkruin.

AANVAAR

Prop CA (Adolf) Groenewald as diensleraar na Bergville; ds BE (Brits) Janse van Rensburg van Harare na Vredenburg; ds SJ (Fanie) Schoeman van Augrabies na Askham-Noenieput.

WES-KAAPLAND

BEVESTIGING

Ds BE (Brits) Janse van Rensburg van NG Gemeente Harare is op 25 Augustus 2024 bevestig as leraar van die NG Gemeente Vredenburg. Ds JM (Jurie) van Zyl het die bevestiging waargeneem. (Suselna Theart, skriba: Vredenburg-gemeente, 03.06.2024).

NOORD-KAAPLAND

BEVESTIGING

Ds Stephanus Johannes (Fanie) Schoeman van Augrabies het die beroep aangeneem na Askham-Noenieput. Sy bevestiging vind plaas DV op 3 November. Alle belangstellendes welkom. (Elna Theron, skriba; NG Kerk Upington-Oos, 04.09.2024).

KWAZULU-NATAL

BEROEP

Die kerkraad van die NG Gemeente Noordkus (Ballito Gesinskerk) het op sy vergadering van 28 Augustus 2024, vir ds Tertius Naude van die NG Gemeente Meerensee beroep. (Leonie Spangenberg, skriba: NG Gemeente Noordkus (Ballito Gesinskerk), 02.09.2024).

BEVESTIGING

Prop Coenraad Adolf Groenewald is op 1 September 2024 as voltydse diensleraar bevestig by die NG Gemeente Bergville. (Marcelia Mouton, saakgelastigde: NG Gemeente Bergville, 02.09.2024).

HOËVELD SINODE

BEROEP

NG Gemeente Parkkruin Familiekerk het tydens hulle kerkraadsvergadering besluit om ds Jacobus (Kobus) Stapelberg van NG Humansdorp te beroep na die NG Gemeente Parkkruin. (Deonette van der Merwe, administratiewe beampte: Parkkruin, 06.09.2024).

OOSTELIKE

NUWE UITVOERENDE AMPTENAAR

Hiermee word kennis gegee aan die breër kerkverband dat dr JS (Johan) Botha op 1 September 2024 amptelik as Uitvoerende Amptenaar van Oostelike Sinode in diens getree het. Die bevestiging sal tydens die komende sitting van die Oostelike Sinode van 7-10 Oktober 2024 geskied. Die Sinodale Diensraad gee hiermee uitvoering aan Reglement 12.6.2 en Reglement 12.10.8 van Kerkorde 2023. (Dr Johan Botha, uitvoerende amptenaar: Oostelike Sinode, 05.06.2024).