Leraars beweeg (Amptelike Nuus – 29 November 2024)

• Hierdie kennisgewings is op 29 November 2024 opgedateer.

• Stuur Amptelike Nuus na kerkbode@tydskrifte.co.za

BEROEP

Prop D (Dean) Bentley na Mosselbaai; ds GD (Gert) Victor van Harrismith na Prins Albert.

AANVAAR

Prop D (Dean) Bentley na Mosselbaai.

BEDANK

Prop EJJ (Johan) Mostert vir Nylstroom-Oos; prop Z (Zilcha) Mostert (néé Welgemoed) vir Nylstroom-Oos.

WES-KAAPLAND

BEROEP

By ’n kerkraadsvergadering op Sondag 10 November 2024, na deeglike gesprek en met fyn aanvoeling, is ds Gert Victor van die NG Gemeente Harrismith, as leraar beroep na die NG Gemeente Prins Albert. (Adele Hattingh, skriba: NG Gemeente Prins Albert, 27.11.2024).

BEROEP EN BEVESTIGING

Prop Dean Bentley is op 11 November 2024 deur die kerkraad beroep as voltydse leraar na NG Gemeente Mosselbaai. Na afloop van die probasietydperk, waartydens geen besware teen sy beroeping uitgebring is nie, het die Ring van Mosselbaai sy beroep goedgekeur en het prop Bentley die beroep aanvaar. Hy sal op 22 Desember 2024 tydens die oggenderediens bevestig word as leraar by NG Mosselbaai. (Corné Human, admin- en kommunikasiebeampte: NG Mosselbaai, 29.11.2024).

NOORD-KAAPLAND

RINGSITTING

Die Ring van Namakwaland hou op 6 en 7 Desember 2024 hulle 55ste ringsitting op Springbok. (Ds Sarize Retief, skriba: Ring van Namakwaland, 28.11.2024).

NOORDELIKE

BEDANK

Proponente Johan en Zilcha Mostert het nie die beroep na NG Gemeente Nylstroom-Oos aanvaar nie. (Deirdré Stoffberg, kantoorbestuurder, 25.11.2024).