Agt jaar terug het die skrywer en teoloog, dr Ronell Bezuidenhout, die besige lewe van ’n stadspredikant agtergelaat. Met demissiestatus onder die arm het sy na haar ouers op Groot Brakrivier se strandhuis gekom vir wat sy gehoop het is ’n sabbatsjaar. Een met tyd vir skryf en skilder.

Toe verloop dinge anders …

Haar bejaarde ouers het haar sorg nodig gehad. Sy het besef sy sal maniere moet vind vir ’n volhoubare inkomste. Vandag is sy onder meer ’n deeltydse Lutherse pastor, retraiteleier en hou ’n suksesvolle aanlynbediening aan die gang wat maandeliks tot 40 000 mense bereik.

Lees meer: Jaco Strydom gesels met Ronell Bezuidenhout | ‘Ek preek deesdae vir mense om openlike waardeerders te word, waar dinge reg werk’

In kort, haar program is net so besig as wat dit in Johannesburg was. Dit het haar laat besef dit is nie die plek waar ons bly wat ons besig maak nie, dit het te doen met ons menswees. “Ons is verslaaf aan besig wees,” sê sy in ons Kollig-gesprek vir Januarie.

Aan die hand van haar boek, Woestynwysheid: Antieke riglyne vir toekomsgerigte mense praat ons oor die moderne mens se behoefte aan stilte, afsondering en eenvoud. 

Die boek is onlangs herdruk deur CLF.

• Geniet jy dit om na Kerkbode Kollig se podsendings te luister? Jy kan hierdie projek se volhoubaarheid ondersteun deur ‘n Vriend van Kerkbode te word. Vir hoe, klik net op die webskakel.