Wat leer die Nuwe Testament oor manlike en vroulike rolle en leierskap? Só lei prof Stephan Joubert ‘n plasing in wat hy op 15 Januarie via Facebook met sy sowat 4 900 volgers gedeel het.
“Hierdie is nie ’n formele studiestuk of ’n indringende akademiese analise nie, maar ‘n breë oorsig oor die Nuwe Testament se verstaan van die funksies en rolle van man en vrou, asook ’n oorsigtelike kyk na hulle leierskaprolle. Dit is bedoel as ’n hulpmiddel, nie as ’n debatsdokument nie,” luidens ‘n eindnota deur die bekende teoloog.
LEES OOK | Brief: ‘Dié standpunt oor vroue breek af en maak seer’
Joubert kyk in detail na Bybeltekste oor vroue se rolle en funksies in die Nuwe Testament en onder meer die sogenaamde swyg-gebod. Hy skryf: “Die swyg-gebod ten opsigte van vroue in 1 Korintiërs 11:2-6; 14:33-36 en 1 Timoteus 2:12-14 spruit waarskynlik voort uit bepaalde probleme met plaaslike vroulike profetesse in Korinte en Efese. In die lig van die feit dat vroue slegs hier in Korinte en Efese die swye opgelê word, en nie elders in ander gemeentes van die Nuwe Testament nie, lei ons af dat dit te make gehad het met sekere vroue wat die skeppingsordening en die algemene sosiale gedragskodes van daardie tyd deurbreek het. Hulle het sodoende‘ n verleentheid vir mede- gelowiges veroorsaak deur hulle voortvarende optrede. Ten einde hierdie probleem op te los, word vroue slegs in hierdie gemeentes tot swye opgeroep. Terloops, Paulus roep in 1 Korintiërs 14 ook vir mans tot swye op wanneer te veel van hulle in vreemde tale wil praat! Daar geld dus nie net ‘n stilte-gebod ten opsigte van vroue in sekere omstandighede nie; in 1 Timoteus verwag Paulus ook van manlike onrusstokers om tot swye te kom (1 Tim 1:2- 4 en 6:3-4). Onder sekere omstandighede moet Timoteus self ook stilbly (1 Tim 6:20-21).”
Kerkbode plaas Joubert se skryfstuk, wat hy bestempel as “kantlynaantekeninge oor manlike en vroulike rolle en leierskap in die Nuwe Testament”, ongeredigeer hieronder.
Is mans en vroue regtig gelyk_ Kantlynaantekeninge oor manlike en vroulike rolle en leierskap in die Nuwe Testament
- Ondersteun
Nuusbrief: Bly op hoogte
Teken in op Kerkbode se weeklikse nuusbrief vir vars nuus, briewe, vakatures, rubrieke, podsendings en nog meer.
Alhoewel ek in breë trekke met Stefan Joubert saamstem oor die status van man en vrou, moet ons waak om nie die uitsondering (die paar vroue wat in unieke omstandighede op uitsonderlike wyse deur God gebruik is) te gebruik om die reël (hoe ons die kerk en samelewing organiseer) te motiveer nie.
Gegewe die die ongelooflike (veral vir ons, vandag) patriargale kultuur van die Bybelse tye, is die vroue wat deur God gebruik is wesenlik, en kan mens dit nie net as enkele uitsonderings beskou nie. Dit was inderdaad grondverskuiwend. Boonop het ons baie empiriese bewyse van wondelike hedendaagse vroulike leierskap, als tot eer van die Here.