Magdel Coetzee van Barberton skryf:

Afgesien van lewende uitsendings op Facebook wou ons plattelandse gemeente in Barberton bymekaarkom vir eredienste nadat inperking verminder is. Die konsep van inry-eredienste het opgekom en vlamgevat! Ons het die bul by die horings gepak en ’n radiosender bekom. Die gemeente sit heerlik en veilig in ons voertuie op ons pragtige terrein en luister op FM na die boodskap wat ds Pieter Malherbe aan ons bring, terwyl die pragtige natuur om ons saamwerk om ’n grootse atmosfeer te skep. Nagmaalsdienste is veral gewild en elke gesin voorsien hulle eie broodjie en wyn of sap. Ons het selfs kerkraadslede tydens sulke inrydienste bevestig!

LEES OOK: Wenke wat werk vir kerkwees in Covid-tyd

Ons hoop en bid dat die huidige inperking vinnig opgelig sal word om voort te gaan met ons wonderlike byeenkomste.