KRUISPAAIE – AFRIKANERKEUSES IN DIE 19DE EN 20STE EEU
DEUR LEOPOLD SCHOLTZ
Uitgegee deur Kraal-uitgewers, 2016

Dr Leopold Scholtz is ’n knap Suid-Afrikaanse historikus, soos ook blyk uit sy jongste publikasie. Hy bekyk in dié werk die onlangse geskiedenis van die wit Afrikaners. Hy is dikwels skroeiend in sy kritiek op die wit Afrikaners wat hulle rug op hulle bruin kultuur- en taalgenote gedraai het. Hy verwys ook met ont­stel­tenis na die NG Kerk wat ná die Cottesloe-kerkebe­raad in werklikheid voor Verwoerd se toorn gaan lê het. Maar Scholtz skryf ook oor die “goeie” dinge wat deur Afrikaner-toedoen gebeur het. Kruispaaie is ’n uitstekende boek wat ’n plek op elke den­kende Afrikaanssprekende se rak verdien.