KZN help Mosambiek met watersuiwering

“Ons het almal gehoor en beelde gesien van die katastrofiese gevolge van die ver­nie­tigende sikloon Idai in Mosambiek, Ma­lawi en Zimbabwe. As gelowiges kan ons nie hande gevou sit terwyl duisende mense in ons buurlande so swaarkry nie,” sê ds Gerhard Botha, hoof uitvoerende beampte van KwaZulu-Natal Maatskapli­ke Dienste (CMD).

Een van KZN CMD se vennote, Global Relief, waarby ds Loffie Schoeman van Eshowe betrokke is, het ’n geleentheid aan KwaZulu-Natal gebied om te help. Global Relief stel watersuiweringsakkies beskikbaar. Een so ’n sakkie kan 20 liter water suiwer en kos R2,50.

Volgens Loffie het KZN-gemeentes bin­ne ʼn week R18 000 hiervoor geskenk. Glo­bal Relief het toe uiteindelik R34 000 se sakkies na Mosambiek gestuur. “Die sakkies is in Kemptonpark aan ds Carl Lourens van Krugerwildtuin-gemeente oor­han­dig wat dit in Mosambiek in die Bu­zi-distrik en Beira-area onder gemeen­tes versprei het,” sê Loffie.