Paul Grobler, direkteur: Noordelike Sinode, skryf: Na aanleiding van die Ring van Louis Trichardt se persverklaring rakende die Dag van Verootmoediging wat in Kerbode (2023-07-28) gepubliseer is, reageer die moderatuur van die Noordelike Sinode as volg:

1. Die Sinodale Diensraad (SDR) van die Noordelike Sinode is die besluitnemende liggaam van die sinode gedurende die vier jaar tussen sinodesittings. Die SDR bestaan uit veertig afgevaardigdes, wat o.a. ’n predikant en ’n kerkraadslid van elke ring insluit.
2. Die SDR het ’n vaste punt op sy agenda: “Sake vanaf Ringe”.
3. Die SDR het by haar vergadering van 19 Julie 2023 ’n memorandum van die Ring van Louis Trichardt ter tafel geneem rakende die versoek vir ’n Dag van Verootmoediging op 13 Augustus, soos ontvang uit die kantoor van die Algemene Sekretaris.
4. Die SDR het na ruim geleentheid vir gesprek, volstaan met die volgende:

4.1.     Elke gemeente moet die verootmoediging na gelang van hulle eie konteks inrig;

4.2.     Gemeentes besluit self of hulle aan die geleentheid gaan meedoen.

5. Die Moderatuur van die Noordelike Sinode vertrou dat die Dag van Verootmoediging tot groot seën sal wees vir ons land en sy mense!

Groete, Moderatuur: Noordelike Sinode