Kerkbode

Kopiereg © Kerkbode 2024

Tydige boek bied taal vir gesprek oor volhoubaar leef in God se skepping


Kontra-intuïtief: ’n Gevaarlike én verbysterende belydenis deur Ernst Conradie

Uitgewer: Bybel-Media, 2023

Resensent: Fay van Eeden

Geborg

Die oomblik wat jy Kontra-intuïtief oopmaak, weet jy hierdie boek gaan jou uitdaag. Uit die staanspoor vra Ernst Conradie jou uit oor wat jy presies bedoel wanneer jy bely dat God die skepper is. Conradie begelei die leser om op ’n deeglike en gestruktureerde wyse na te dink oor skepping en Skepper. Hy dink saam met die leser aan die hand van verskeie filosofiese en wetenskaplike vraagstukke oor wat die bogenoemde konsepte beteken.

Conradie vra darem nie net vrae nie. Hy bied ook pragtige beelde, soos dié van ’n huishouding en ’n dans, om iets te verduidelik van die verhouding tussen God en die wêreld.

In hierdie boek stel Conradie voor dat “skepping” waarskynlik die sinvolste manier is om na ons wêreld te kyk. Hy bied hiermee ’n herbeskrywing van die wêreld as skepping en ’n toeskrywing van ons wêreld aan God. Conradie self beskryf hierdie interpretasie as tegelyk kontra-intuïtief, gevaarlik en verbysterend.

Kontra-intuïtief is nie net ’n insiggewend boek nie, maar ook tydig. Myns insiens gee Conradie se insigte vir die kerk en gelowiges taal vir ons verstaan van die wêreld. Dit gee ’n goeie teologiese fondament waarop ons ons nadenke en gesprekke rondom ons roeping tot rentmeesterskap en ’n meer volhoubare manier van leef, kan bou.

Kontra-intuïtief is ’n boek wat jou met hoop vul – ’n aktiewe hoop wat nie op omdat gebaseer is nie, maar eerder ten spyte van.

Beskikbaar by Bybel-Media.

Ds Fay van Eeden is predikant by die NG Gemeente Stellastraat en blogger oor volhoubaarheid by enroutefoodie.com

Geborg

Geborg

Nuusbrief: Bly op hoogte

Teken in op Kerkbode se weeklikse nuusbrief vir vars nuus, briewe, vakatures, rubrieke, podsendings en nog meer.

Scroll to Top

Ondersteun Kerkbode se joernalistieke projek

Ons redaksionele invalshoek is “Meer lig as hitte”. Ons hou jou op hoogte van kerknuus en bied ’n platform vir verhelderende lesersdeelname.
Teken in op ons weeklikse elektroniese nuusbrief of ondersteun ons werk vir so min as R20 per maand

Your Image Your Image Your Image

Die Kerkbode-toepassing (app) is beskikbaar op jou selfoon. Installeer dit vandag nog.