Vandag 10 Julie is nasionale Paniekbewusmakingsdag. Sommige angslyers kry paniekaanvalle. Dit is ’n intense belewenis wat soos ’n hartaanval of ʼn beroerte-aanval voel. Volgens kenners ly al hoe meer mense in Suid-Afrika aan angsversteurings en ervaar selfs paniekaanvalle. Kerkbode se sustertydskrif, LiG het met mense gesels wat eerstehandse ervaring hiervan het en het by kundiges raad gevra.

“Ek kry verskriklik warm; dit is asof ek nie asem kry nie. Terselfdertyd voel dit asof my kop heeltemal deurmekaar is; ek weet nie waar ek is nie.”

Só beskryf Natasha Brink* (60) van Bethlehem die paniekaanvalle wat sy reeds sedert 1995 ervaar.

Vir Hannelie de Kok* (34) van Secunda, wat in 2006 hiermee gediagnoseer is, lyk ’n tipiese paniekaanval só: “Ek begin duiselig voel, my hart begin baie vinnig klop. My bors trek toe en dit voel asof ek nie asem kry nie.”

Wilhelm Bester* (33) van Worcester vertel: “Ek sweet vreeslik en kry ontsettend warm. My hart klop asof hy uit my borskas gaan spring. Dit voel asof ek doodgaan.”

Lees die res van die artikel hier.