Tradisionele nuusmedia sukkel om met lesers te “connect” (bande te behou en versterk), volgens nuwe navorsing deur die nuusagentskap Reuters. Byna ’n derde van deelnemers aan ’n peiling wat deel vorm van die jaarlikse Reuters Digital News Report verkies om weekliks via sosialemediaplatforms soos Facebook en YouTube eerder as direk via tradisionele nuusmedia op die hoogte van sake te bly. Die Reutersverslag wys hoe gefragmenteerd en kompleks die kommunikasie van nuusgebeure geword het en dek belangrike tendense soos nuusvermyding, geloofwaardigheid van nuusbronne en die impak van kunsmatige intelligensie op nuusverpakking. Kerkbode wil hoor hoe jy veral die betroubaarheid van die media beleef en watter tendense jy in jou eie mediagebruik waarneem.