• Hierdie kennisgewings is op 5 Desember 2025 opgedateer.
• Stuur Amptelike Nuus na kerkbode@tydskrifte.co.za

BEROEP

Ds L (Luné) Dorfling van Vorentoe na Upington; ds AJ (Abel) Erasmus van Klerksdorp-Flimieda as diensleraar na Rietbron; dr SJ (Stephan) Naudé van Doornkloof Familiekerk na Kogelberg (Kleinmond).

AANVAAR

Ds GA (André) Agenbag, PSD: Gemeentebegeleiding, Sinode van Wes-Kaapland na Suidoos-Pretoria; ds RA (Rudolph) du Plooy (emeritus) van Reivilo na Schweizer-Reneke; prop M (Marno) Plaisier van Rietfontein-Suid na Durbanville; ds WC (Wouter) van Wyk van Kempton-Kruin na Suidoos-Pretoria.

WES-KAAPLAND

BEROEP

Op ’n buitengewone kerkraadsvergadering wat gehou is op Woensdag 3 Desember 2025, het die kerkraad van die NG Gemeente Kogelberg (Kleinmond) vir dr Stephan Naudé (tans by Doornkloof Familiekerk in Centurion) beroep as tweede voltydse leraar. (Heinrich Carstens, leraar: NG Gemeente Kogelberg, 04.12.2025).

AANVAAR

Prop Marno Plaisier van NG Kerk Rietfontein-Suid in Pretoria, het die beroep na NG Kerk Durbanville aanvaar en sy aanvangsdatum is op 1 Januarie 2026. (Jackie Pretorius, bestuurder:Steundienste; NG Kerk Durbanville, 03.12.2025).

EMERITAAT

Ds Nicolaas Johannes van As van die NG Gemeente Wellington-Oos se Akte van Demissie by emeritaat is op 30 November deur ds Lettie Büchner as voorsitter van die Ring van Swartland aan hom oorhandig. Dit is geldig vanaf 1 Desember 2025. (Johan Crous, skriba: Ring van Swartland, 01.12.2025).

OOS-KAAPLAND

BEROEP

Kennis geskied hiermee dat ds AJ (Abel) Erasmus, diensleraar werksaam te NG Gemeente Flimieda-Klerksdorp, op Woensdag, 3 Desember 2025 beroep is na die NG Gemeente Rietbron in die Ring van Graaff-Reinet, Sinode van Oos-Kaapland. (Kobus Eksteen, leraar: NG Gemeente Rietbron, 04.12.2025).

NOORD-KAAPLAND

BEROEP

Tydens ’n beroepingsvergadering op 1 Desember 2025 is ds Luné Dorfling van NG Gemeente Vorentoe beroep na Upington-Moedergemeente. (Elna Theron, skriba: NG Kerk Upington-Oos, 03.12.2025).

GOUDLAND

AANVAAR

Ds RA (Rudolph) du Plooy (emeritus) van Reivilo het die beroeping aanvaar na NG Moedergemeente Schweizer-Reneke vanaf 1 Januarie 2026. Sy bevestiging en intreepreek vind plaas op 18 Januarie 2026. (Gwen Fourie, skriba: NG Gemeente Schweizer-Reneke, 03.12.2025).

NOORDELIKE

AANVAAR

Ter uitvoering van Reglement 12 (6.2) hiermee ’n opvolg amptelike kennisgewing dat ds André Agenbag, PSD: Gemeentebegeleiding van die Wes-Kaapse Sinode die beroep aanvaar het na die NG Gemeente Suidoos-Pretoria (Stellastraat). (Prof Malan Nel, gemeentebestuurder: NG Gemeente Stellastraat, 28.11.2025).

Ter uitvoering van Reglement 12 (6.2) hiermee ’n opvolg amptelike kennisgewing dat ds Wouter van Wyk van NG Gemeente Kempton-Kruin die beroep na NG Gemeente Suidoos-Pretoria (NG Stellastraat) aanvaar het. (Prof Malan Nel, gemeentebestuurder: NG Gemeente Stellastraat, 03.12.2025).