Gebedsboek vir tye wat tel saamgestel deur Dewald Hoffmann

Uitgewer: Bybelkor, 2025

Resensent: Rethie van Niekerk

Wat ’n heerlike geskenk het Dewald Hoffmann nie met die Gebedsboek vir ons gegee nie – ’n versameling van gebede uit die jarelange Woord en Fees-projek.

Die gebede is opgedeel volgens die kerkjaar, met ’n kort inleiding oor die betekenis en simboliek van elke seisoen. Daar is sowaar ’n gebed vir elke dag van die jaar.

Hierdie is ’n waardevolle hulpmiddel vir elke liturg, maar ook ’n skat vir gelowiges wat gebede wil lees, bid en bedink. Vir die eerste keer sê ek in ’n resensie dankie aan die samesteller en uitgewer vir hierdie kosbare bron wat op so ’n toeganklike wyse beskikbaar gestel is.

Beskikbaar by Bybelmedia.

Ds Rethie van Niekerk is predikant by die NG Kerk Driehoek in Vanderbijlpark.