’n Skoon en aantreklike omgewing is bevorderlik vir enige pasiënt se herstelproses. Gun ons dit vir Moeder Aarde?

Suid-Afrikaners genereer 540 miljoen ton afval per jaar. Afval word natuurlik nie weggegooi nie; net verskuif na waar dit ons nie pla en ons dit verkieslik nie kan sien of ruik nie. Die impak van onoordeelkundige storting is vernietigend op ekosisteme en dus die welstand van dier, plant, bodem en mens.

Twee dwingende redes vir die beduidende verminde­ring van rommelstorting: Dit dra by tot die herstel van die omgewing en gevolglik tot die gesondheid van al die aardbewoners; tweedens verminder dit druk op hulpbronne: tot 90% van huishoudelike afval kan hergebruik of herwin word om sodoende energiebesparing in ver­vaar­digingsprosesse en afname in kweekhuisgas-vrystel­lings te bewerkstellig.

Hoe? Verminder rommel deur onnodige aankope te vermy en hergebruik of hersirkuleer die res. Organiese afval word gekomposteer vir tuingebruik.

Aarde, sy sal só dankbaar wees!