Loof die Skepperheer / Ons sing ’n nuwe lied tot u eer. / Ons loof u Naam, o Skepperheer, / U heers oor aarde en hemel . / Die berge, heuwels, bome van die veld, / Die voëls en die diere sal u lof vermeld, / Want die aarde behoort aan die Here; / Dis Hy wat heers oor al wat lewe.

Treffend verwoord Lied 460 die skeppingsdoel: om die eer van God te besing.

’n Stem in hierdie koor word stil met elke spesie wat uitgewis word. So verstaan, is die stryd om behoud van die renoster simbolies van ons poging om sy Naam te verheerlik. Die ontstellende feit is dat weens menslike ingryping amper die helfte van die aarde se fauna en flora teen die einde van die eeu waarskynlik uitgewis sal wees.

Saamsing tot eer van die Skepper beteken vir gelowi­ges dat elkeen (ook ons met onmusikale stemme!) vreug­de­vol en met sensitiwiteit kan en behoort deel te neem aan omgewingsbewaring.