Jeugwerker
Sluitingsdatum: 22 November 2017.

Die NG gemeente Warmbad (Bela-Bela), ’n Bosvelddorp in Limpopo, wil in gehoorsaamheid aan die Here, ’n jeugwerker met die volgende posomskrywing aanstel:

Primêre pligte en verantwoordelikhede:

• Jeugbediening.

• Woordbediening aan jeug.

• Gesinsondersteuning.

• Persoonlike groei.

Profiel van die jeugwerker:

Kandidate se lewe moet getuig van ’n passie vir Jesus en die kerk.

Verder moet hulle:

• egte belangstelling in en liefde vir jongmense hê;

• beskik oor ’n natuurlike aanleg om verhoudings te bou;

• op informele en formele vlak ’n geestelike voorbeeld en mentor wees;

• die vermoë hê om jongmense se potensiaal te identifiseer, hul gawes na vore te bring en leiers te ontwikkel;

• innemendheid, nederigheid en energie uitstraal;

• beskik oor eie vervoer.

Kwalifikasies en ondervinding:

• Ondervinding van jeugwerk is ’n aanbeveling.

’n Tersiêre kwalifikasie in jeugwerk.

Sluitingsdatum: 22 November 2017.

Diensaanvaarding: 1 Januarie 2018.

Vergoeding: Gratis huisvesting word voorsien. ’n Billike vergoeding word aangebied.

Aansoeke: Stuur u CV met twee verwysings, asook ’n kort narratief ter motivering van jou aansoek na: Die Sameroeper, BVD, e-pos: kantoor@warmbad.co.za