Die verkleining van ons ekologiese voetspoor is haalbaar. Die vier vernaamste aktiwiteite wat skade aanrig, is voedselproduksie, vervoer, huishoudelike energieverbruik en hulpbronbenutting. Die aankweek van twee gewoontes op elke terrein kan ’n betekenisvolle verskil maak:

Kos: Eet minder vleis; koop organiese produkte wat sover moontlik plaaslik geproduseer of self gekweek word.

Vervoer: Verminder motorritte deur te stap, of om ­fiets, bus of trein, of met ’n saamry-klub te ry; neem brand­stofverbruik in ag wanneer jy ’n voertuig aanskaf.

Energieverbruik: Vermy elektriese regulering van tem­peratuur deur van die son of koelte gebruik te maak; energiebesparende gloeilampe en ander toestelle is deesdae vrylik beskikbaar.

Bronbenutting: Verminder die koop van nie-nood­saak­like verbruikersgoedere, hergebruik, hersirkuleer so­ver moontlik en komposteer organiese afval; oorweeg oor­­skakeling na hernubare energiebronne soos die son, wind en biomassa.

Geseënde en ekovriendelike Advent- en Kerstyd toegebid!