Ons sien meer en meer voeteverkeer op die In Memoriam-afdeling op ons webwerf. Dié afdeling bevat tans doodsberigte oor gewaardeerde rolspe­lers in die kerkverband, soos die mees onlangse huldeblyk aan prof Jannie du Preez.

“Jannie is op 16 Augustus 1927 in die Suid-Kaap gebore – sy gedenkdiens en begrafnis op Vrydag 16 Augustus om 09:30 by Serenitas-aftree-oord in die Strand, vind dus op sy 92ste verjaarsdag plaas,” het prof Martin Pauw geskryf.

Kerkbode nooi nou ons breër le­sersgehoor uit om self huldeblyke vir hulle geliefdes op ons digitale platform te kom lewer. Die een­vou­dige proses is geskoei op dieselfde stappe wat briefskrywers reeds met sukses volg om briewe vir aanlyn- en koe­rant­publikasie voor te lê en ska­kel omslagtige kor­respondensie per e-pos uit. – Red.