Met opgewondenheid en in biddende afhanklikheid van die Here stel die kerkraad ’n vakature bekend.

Vakature: Voltydse leraar
Sluitingsdatum: 30 September 2019.

Gemeenteprofiel:

• Pretoria-Faerie Glen is ’n voorstedelike gemeente, geleë in die ooste van Pretoria met ongeveer 350 belydende en 35 dooplidmate.
• Die gemeente word tans deur een leraar bedien wat in 2021 aftree. Die suksesvolle aansoeker sal dus in medeleraarskap saam met die huidige leraar dien tot met sy aftrede.
• Die gemeente word gekenmerk deur hartlikheid en ’n sterk omgeekarakter.
• Die meeste van die lidmate is reeds afgetree en verkies tradisionele eredienste met orrelbegeleiding.
• Gesinne met kleuters en laerskoolkinders woon gesinsdienste by.
• Verskeie uitstekende hoër- en laerskole is in die omgewing, maar val nie binne die gemeentegrense nie.

Leraarprofiel:

Die gelegitimeerde predikant wat die Here in hierdie gemeente kom dien is:

• Verkieslik tussen 35 en 50 jaar oud.
• Iemand wat met ywer in spanverband ’n instrument in die hand van die Here is om sy doel vir hierdie gemeente te help uitvoer.
• Gedrewe deur die suiwer en gereformeerde uitleg van die Woord, soos dit ook in die kerk se amptelike belydenisskrifte vervat is.
• Iemand wat deur dinamiese prediking in beide die tradisionele en gesinsdiens die Woord uitlê en toepas vir omstandighede van die dag.
• Gemaklik in die gebruik van multimedia en ander sosiale platforms om die prediking en gemeente-aktiwiteite te ondersteun en te bevorder.
• ’n Kreatiewe persoon wat sinvolle aktiwiteite as vasleggingsmetode tydens gesins- dienste en seniorkategese kan gebruik.
• Iemand wat die wysheid en kennis van ouer mense waardeer en wat ’n hart het vir hul spesifieke behoeftes.
• ’n Herder wat die waarde van huisbesoek en kontak met lidmate in verskillende lewenstadiums en -omstandighede besef en bereid is om met passie daaraan uitvoering te gee.
• ’n Persoon wat maklik kommunikeer, buitekerklikes kan identifiseer, hulle laat welkom voel en aanmoedig om deel van die gemeente te wees.

Vergoeding:

’n Vergoedingspakket binne die raamwerk van die sinodale skaal word aangebied. Die gemeente beskik nie oor ’n pastorie nie. Die volledige vergoedingspakket word met die suksesvolle kandidaat onderhandel.

Aansoek:

• Aansoeke word ingewag van gelegitimeerde predikante wat aanpasbaar is ten einde mense van verskillende ouderdomsgroepe en spiritualiteite te bedien en hom/haarself kan vereenselwig met die missie en fokusareas van die gemeente.
• Aansoekers moet ’n volledige CV indien wat die kontakbesonderhede van drie referente insluit. Die pre-advieskommissie behou die reg voor om self ook inligting aangaande die aansoeker in te win wat ’n psigometriese toets kan insluit.
• ’n Aanvullende motivering moet die aansoek vergesel waarin aangedui word hoe die kandidaat met sy/haar besondere talente kan bydra tot die groei en uitbou van die gemeente.
• Kandidate wat oorweeg word, kan genooi word vir ’n onderhoud asook om ’n voordrag te maak en/of ’n erediens binne die gemeente te lei.
• ’n Onlangse foto van die aansoeker en sy/haar gesin in opsioneel, maar sal waardeer word.

Sluitingsdatum: 30 September 2019.

Diensaanvaarding: 15 Januarie 2020 of so spoedig moontlik daarna.

Navrae:

• Die Voorsitter van die kerkraad: Sarie Human by tadiesarie@gmail.com of 082 568 0586.
• Ds André Fitzgerald: anfitzge@gmail.com of 082 855 0691 of 012 991 0821.

Die kerkraad behou die reg voor om nie ’n aanstelling uit die aansoeke te maak nie.