Gebed vir Kersfees

Dankie, Here, dat U gekies het om uit ’n vrou,
as mens, soos ons die wêreld binne te kom.
Dankie dat U, soos ons, ’n kind was en alledaagse dinge gedoen het
sodat niks meer alledaags kan wees nie.
Ons ontvang U in die krip as ons koning,
die Een wat ons kom red en heelmaak het.
Mag ons optrede teenoor kinders in die wêreld
staan in die teken van u koninkryk
waar die kleinste groot is en die laaste eerste,
waar ons dien en liefhet.
Dankie dat ons weet U wil ’n wêreld vol harmonie
en sonder geweld.
Vir ons, altyd vir ons, is ’n Kind gegee.
Dankie.

* Boodskap vir Vandag: Hierdie boodskap is oorspronklik HIER gepubliseer.


Het jy behoefte aan stiltetyd, maar sukkel soms om tyd te maak of vind te midde van al die sosiale verpligtinge van ’n besige vakansietyd vol vriende en familie? Dalk kan dié app jou help om bietjie nader aan God se Woord te kom. Boodskap vir Vandag gaan reeds elke weeksdag uit na duisende nuusbrief-intekenaars en is nou ook in ʼn app-formaat beskikbaar vir Android-foongebruikers.