Voltydse medeleraar
Sluitingsdatum: 12 Maart 2020

---

GEMEENTEPROFIEL

Bethlehem-Oos is ’n dinamiese gemeente in die Oos-Vrystaat. Tans word 899 lidmate waarvan 183 dooplidmate is, bedien. Die gemeente funksioneer sterk vanuit die erediens­te met die fokus op lof en aanbidding. Hierdie is ’n volwaardige/selfstandige medele­raarspos. Bethlehem beskik oor ongelooflike skole sowel as baie goeie mediese fasiliteite (MediClinic/Corona).

LERAARSPROFIEL

• ’n Passie vir die Here, sy koninkryk en kerk met spesifieke fokus om die jeug te inspireer, te mobiliseer en toe te rus.
• Teologies-verantwoordbaar en ’n dinamiese prediker.
• Meewerk aan die uitbou van die gemeente se roeping en die jeug kan bemagtig.
• 35 jaar of jonger, maar dit sal nie die aansoek beïnvloed nie.

VERANTWOORDELIKHEDE

• Die jeug wissel van 0 tot 35 jaar. Verantwoordelikhede sal insluit die kinderkerk, kategese vir laer- en hoëskoolkinders en naskoolse bediening aan jong volwassenes.
• ’n Aangename persoonlikheid wat goed in spanverband kan saamwerk en goeie verhoudinge nastreef.
• Moet musiekbediening kan uitbrei en die speel van ’n instrument sal voorkeur geniet.
• Die ontwikkeling van ’n familiebediening waar die totale gesin belangrik is.
• Die uitbou van jong volwasse omgeegroepe en jonger mense.
• Die ontwerp en implementering van volhoubare strukture waarbinne die jeugbediening kan plaasvind.
• Optimale kontak met skole in Bethlehem ten einde goeie verhoudinge asook netwerke tussen die gemeente en skole te vestig en uit te brei.
• Gelegitimeerdes van die NG Kerk wat alle ampspligte sal nakom soos omskryf in Artikel 9 van die Kerkorde as riglyn.
• Iemand wat verhoudings kan bou met lidmate.

VERGOEDING

• Onderhandelbaar met die sinodale skaal as riglyn.
• Pastorie is beskikbaar. (Behuising kan bespreek word).

DIENSAANVAARDING

• 1 September 2020 of soos ooreengekom.

AANSOEKPROSES

Belangstellendes moet asseblief die volgende elektronies aan ons voorsien:

• ’n CV (nie langer as drie bladsye nie).
• Kontakbesonderhede van vier referente.
• Motivering vir u aansoek vir die pos (halwe bladsy).
• ’n Onlangse foto van uself/gesin/familiefoto.
• ’n Afskrif van u ID.
• ’n Psigometriese toets sal aangevra word (indien oor een beskik – voorsien asb).
• Navrae moet asb aan die kerkkantoor gerig word – Vir aandag: Voorsitter van Leiersgroep.

Alta Smit – 058 303 4583 (Sakebestuurder).
Abraham van Heerden 082 740 2404 (Voorsitter).
E-pos: skriba@ngkoos.co.za
Adres: Posbus 497, Bethlehem 9700

SLUITINGSDATUM: 12 Maart 2020.

• Kandidaat moet tot ’n onderhoud bereid wees soos met hom/haar gereël.

Die leiersgroep behou die reg voor om nie ’n aanstelling te maak nie.