Die koronavirus skep ’n nasionale ramp wat minder menslike kontak maar ook méér medemenslikheid van ons gaan vereis, het pres. Cyril Ramaphosa Sondagaand in ’n regstreekse toespraak aan Suid-Afrikaners gesê.

“Dié wat hulpbronne het en gesond is moet behoeftiges en dié wat weerloos is, bystaan,” het Ramaphosa na die einde van ’n omvattende reaksie op die gesondheidsuitdaging wat vir die land voorlê, gesê.

Die aantal infeksies op eie bodem was teen Sondag 61, te midde van wêreldwye pogings om die virus se verspreiding te bekamp.

“Alle staatsinstellings sal gemobiliseer word om (die regering se reaksie) te lei, maar indien ons wil slaag, sal elke maatskappy, elke nieregeringsorganisasie, elke vakbond, universiteit, kollege, skool, taxi-vergeniging, godsdienstige organisasie, begrafnisondernemersorganisasie …ons almal sal ons deel moet doen,” het Ramaphosa gesê.

• Lees die volledige toespraak HIER.
• Sien ook: Amptelik hulpbron https://sacoronavirus.co.za/