Vakante pos: Leraar
Aansoeke sluit: 31 Maart 2021

1. Gemeente profiel:

• Delmas-Wes is ’n tipiese plattelandse gemeente in Mpumalanga
• Hoërskool Delmas en die koshuis is bure van die kerk en deel van die bedie­ningsveld.
• Eloff en Modder-Oos oorde word ook bedien.

Die gemeentevisie is: “God elke dag in almal sigbaar”

2. Leraarsprofiel:

• Help skep aan ’n kultuur waarin die visie kan realiseer.
• Leef, lei en werk doelgerig in afhanklikheid van die Here.
• Skrifgetroue, Geesgeïnspireerde, relevante prediking is ’n hoë prioriteit.
• Leef in en bou aan goeie verhoudinge binne en buite die gemeente.
• Bemagtig lidmate.
• Begryp die uitdagings van ’n plattelandse gemeente waar alle hulpbronne nie beskikbaar is nie.
• Vaardig om alle ouderdomsgroepe te bedien.
• Vaardig met die gebruik van multimedia en ander toepaslike sosiale platforms.
• Goeie kommunikeerder en waardeer wedersydse inspraak van gemeenteleiers.
• Leef en verkondig ’n koninkryksvisie, waar almal welkom is.

3. Aanstelling:

• Sal aangestel word onder Artikel 9 van die Kerkorde.
• Vergoeding is onderhandelbaar binne sinodale riglyne.
• ’n Ruim pastorie is op die terrein beskikbaar.
• Die gemeenteraad behou die reg voor, om nie noodwendig die pos uit enige van die aansoeke te vul nie.

4. Aansoeke:

• Gelegitimeerde predikante met bedieningservaring word genooi om ’n volledige CV met ten minste twee referente/ verwysings voor 31 Maart 2021 te stuur aan: ngdelwes@lantic.net
• Navrae kan gerig word aan: Felix Treurnich by 082 633 0304 of Barend Kruger by 082 374 6645.