Vakature: Deeltydse leraar
Sluitingsdatum: 31 Mei 2021

Hiermee word ’n deeltydse predikantspos (onbepaalde termyn) in die NG Gemeente Ruyterwacht bekend gestel.

GEMEENTEPROFIEL:

Ruyterwacht-gemeente is ’n multikulturele gemeenskapskerk geleë in die noordelike voorstede van Kaapstad. Die gemeente het ongeveer 600 belydende en 200 dooplidmate. Die gemeente is geleë in ’n finansieel marginale gebied, maar bied ook geleentheid vir groot vervulling.

Die gemeente se oogmerke is:
Om huidige lidmate, maar ook kerkvreemdes en kerklos mense oor die hele spektrum heen (jeug, volwassenes en senior lidmate) te bedien en deel te maak van die gemeente, en om vernuwend te dink en goeie verhoudings te skep.

LERAARSPROFIEL:

• ’n Predikant van die NG Kerkfamilie.
• ’n Passie vir aktuele Woordverkondiging en die bediening.
• Goeie menseverhoudinge om in ’n multikulturele omgewing die gemeente te kan uitbou.
• Gereelde kontak met lidmate te maak deur middel van pastorale ondersteuning en huisbesoeke.
• Vaardighede om die gemeente missionaal te kan begelei.
• Beslis nie dolerend wees nie.

PLIGTE EN VERANTWOORDELIKHEDE:

’n Diensooreenkoms en pligtestaat sal met die suksesvolle applikant onderhandel word.

VERGOEDING:

’n Totale koste vir indiensneming van R20 000 per maand kan aangebied word. Pligte en diensure sal dienooreenkomstig proporsioneel onderhandel word. Geen pastorie is beskikbaar nie.

AANSOEKE:

Kandidate moet beskikbaar wees vir ’n onderhoud. Die kerkraad behou die reg voor om nie noodwendig ’n aanstelling te maak nie. Kandidate word versoek om ’n volledige CV en kontakbesonderhede van minstens drie referente te stuur aan: ngkruyterwacht@telkomsa.net

Aansoeke moet die kerkkantoor bereik teen 31 Mei 2021.