VAKATURE: ORRELIS

Sluitingsdatum vir aansoeke: 11 Maart 2022.

---

Durbanville Gemeente het ’n vakature vir ’n vindingryke en aanpasbare orrelis wat in noue samewerking met ander musikale aanbiddingsleiers verantwoordelikheid sal aanvaar vir die uiteenlopende aanbiddingsbehoeftes van die gemeente.

 

Die pos behels die volgende:

• Inspirerende begeleiding van gemeentesang.
• Alle voorbereiding rondom die oggenddiens wat ’n meer klassieke karakter het en met ’n twee-manuaal SAOB-orrel begelei word.
• Afrigting en begeleiding van ’n koor asook die werwing van nuwe koorlede.
• Bystand aan leraars met die opstel van die liturgie en uitsoek van gepaste liedere.
• Verantwoordelik vir die jaarlikse Kerssangdiens.
• Musikale versorging en begeleiding van feesdienste tydens Kersfees, Paasfees en Pinkster.
• Koördineer rakende die orrel alle aspekte in terme van die instandhouding en administratiewe aangeleenthede.
• Troues en begrafnisse.

 

Die pos vereis die volgende:

• Verkieslik ’n BMus of Lisensiaat in orrel of kerkmusiek, óf Sesde Eksamen van die Konservatorium vir Kerkmusiek van die NHK of soortgelyke kwalifikasies.
• Vermoë om ’n twee-manuaal SAOB-orrel te bespeel.
• Ervaring in die musikale begeleiding van ’n gemeente.
• Koorsang/koorafrigting, asook ensemblespel met ander sangers en instrumentaliste.
• Goed ontwikkelde interpersoonlike verhoudinge.
• Vermoë om met verskeie rolspelers in spanverband saam te werk.
• Rekenaarvaardigheid ten opsigte van die MS Office Suite.

 

Algemene aspekte:

• Vergoeding: Onderhandelbare salaris met SAKOV-skale as riglyn afhangende van kwalifikasies en ervaring.

 

Aansoekproses: Stuur u CV met ten minste twee referente na:

jackie@dgkerk.co.za

 

Sluitingsdatum vir aansoeke: 11 Maart 2022.

 

Werwingsproses:

▪   Daar sal van kandidate wat die kortlys haal, verwag word om prakties getoets te word.

▪   Die gemeente behou die reg voor om nie ’n aanstelling te maak nie.