VAKATURE: MEDELERAARSPOS

SLUITINGSDATUM: 13 November 2022.

In biddende afhanklikheid van die Here stel die NG Kerk Bethlehem-Éfrata die bogenoemde vakature bekend en wag met vreugde en vertroue op aansoeke van gelegitimeerde proponente en predikante van die NG Kerk.

GEMEENTEPROFIEL:
Ons is ’n plattelandse gemeente in die pragtige Oos-Vrystaat wat bestaan uit 794 belydende en 194 dooplidmate. Binne die gemeente is daar ook ’n aftreeoord. Ons senior burgers lê ons na aan die hart. Hoewel die eredienste ’n sterk tradisionele karakter dra, is daar ’n ontspanne atmosfeer en is heerlike samesang en Skrifgetroue Woordverkondiging kenmerkend. Ons is ’n gemeente wat daarna streef om almal (jonk en oud) welkom te laat voel. Die leraars en lidmate stap ’n noue pad saam met mekaar wat huisbesoeke kosbaar maak.

LERAARSPROFIEL:
• Gelegitimeerde proponente en leraars word vir die vakature oorweeg.
• Daar sal van die leraar verwag word om alle bedieningspligte, soos uiteengesit in Artikel 9 van die Kerkorde, na te kom.
• Skrifgetroue prediking, geheg aan die gereformeerde leer en belydenisskrifte van die kerk.
• Iemand wat meelewend is en die gemeente met die nodige deernis, liefde en sorg sal dien.
• Passie vir huisbesoek, siekebesoek en pastorale versorging van alle lidmate is belangrik.
• Iemand wat gemaklik in ’n span kan saamwerk.

VERGOEDING:
• Salaris en reistoelaag volgens sinodale skaal.
• Vry inwoning in pastorie.

AANSOEKE:
Aansoeke moet vergesel wees van ’n volledige CV met minstens drie referente, bedieningsvoorkeure en voltooide vraelys wat per e-pos aangevra kan word. Kandidate moet vir ’n onderhoud beskikbaar wees.
Aansoeke kan per e-pos gestuur word na ngkerkefrata@gmail.com.

NAVRAE:
Leraar: Ds Dougy Bubb, 083 287 1057, douglasbubb@gmail.com

SLUITINGSDATUM: 13 November 2022.

Die kerkraad behou die reg voor om nie ’n aanstelling uit die aansoeke te maak nie.

• Die sluitingsdatums vir hierdie vakature is verleng.