Die NG Gemeente Kalahari is ’n uitsonderlike gemeente. Ons is ’n gekombineerde boere- en myngemeenskap wat saam met die Here in die dorre warm somers met die mooiste sonsondergange, rooi sandduine en kameeldoringbome dien. Die gemeente sluit twee myndorpe, naamlik Hotazel en Black Rock, asook die omliggende plase in en is sowat 60 km vanaf Kuruman geleë. Die naam Hotazel mag dalk nie so bekend wees nie, maar die dorp het skole en ’n paar winkels.

Die gemeente is in biddende afwagting vir ’n brugleraar, vir ’n termyn van ses maande. Die pos is beskikbaar vanaf 1 Mei 2023 of so vroeg moontlik. Die gemeente is warm hartsmense van uiteenlopende ouderdomme en die regte leraar sal die geestelike waarde wat die Kalaharistilte bied, kan beleef. Die gemeente bestaan uit 242 belydende en 103 dooplidmate en is vol vertroue dat ’n verbeeldingryke en innoverende leraar goed kan inpas en deel word van ons kerkfamilie.

Indien u belangstel om die pad saam met hierdie gemeente in die Kalaharihitte te loop en ’n gelegitimeerde leraar in die NG Kerk is, kan u ’n CV, twee onlangse getuigskrifte en vier referente teen 20 Maart 2023 na kalaharingk@hotmail.co.uk stuur. ’n Pastorie is beskikbaar as deel van die vergoedingspakket wat op die riglyne van die sinodale skaal gebaseer word.

Enige navrae kan gerig word aan:

MG Wessels 084 434 5794 (kerkraad).

Yvonnette Wessels 083 629 5996 (kerkkantoor).