Die kerkraad van die NG Kerk Pietersburg-Noord benodig die dienste van ’n 

FINANSIËLE EN KOMMUNIKASIEBESTUURDER

Sluitingsdatum: 8 Augustus 2023.

Dienstermyn: Permanente pos met proeftydperk van drie maande.

Diensaanvaarding: 1 Oktober 2023.

Gemeenteprofiel: Noord-gemeente is ’n dinamiese, plattelandse gemeente met drie leraars en ongeveer 2 100 belydende en dooplidmate in ’n gemeenskap bestaande uit gevestigde woongebiede en omringende plase. Die gemeente het ’n visie van omgee na buite en binne, met ’n groot musiek- en jeugbediening.

Die posbekleër moet oor die volgende beskik:

– ’n Hart vir die evangelie en gemeente.

– Sterk administratiewe vaardighede.

– Goeie rekenaarvaardighede, moet programme soos excel, pastel en Winkerk ken en kan bemeester.

– Rekeningkundige vaardighede en agtergrond.

– Goeie kommunikasievermoë en -vaardigheid.

– Vermoë om eie inisiatief te kan gebruik en taakgedrewe die gemeente se visie na te volg.

Pligte:

– Bestuur van die gemeente se rekeningkundige sisteem en finansiële projekte.

– Implimentering van ’n finansiële beleid en prosedures.

– Finansiële kontrole – bank, joernale, salarisse.

– Betalings en aankope (insluitend Bybels en voorraad vir kerk).

– Begrotingsproses – opstel, goedkeur en uitvoer daarvan.

– Finansiële rapporteringsproses – inkomstestate, kontantvloei, jaarlikse state ens.

– Professionele verhoudings met die ouditeur, bank ens.

– Bestuur en opdatering van die gemeente se webtuiste.

– Kommunikasie met gemeentelede en gemeenskap – Facebook, Instagram, WhatsApp-groepe, sms-stelsel, gebedsgroepe en omgeegroepe.

– Skakelbeampte tussen kommissies en kerkraad.

– Toesien tot die uitvoer van kerkraadsbesluite.

– Algemene administratiewe pligte en enige ander administratiewe take soos deur die kerkraad van tyd tot tyd bepaal.

Kwalifikasie:

– Graad 12 en toepaslike tersiêre kwalifikasie in rekeningkunde en/of ondervinding.

Belangstellendes moet hulle CV’s voor of op 8 Augustus 2023 aan Louina Marais stuur by marais@maraislaw.co.za

Die kerkraad behou die reg voor om nie enige aanstelling te maak nie.