NG Gemeente Elarduspark is geleë in die ooste van Pretoria en bestaan uit ongeveer 4 500 lidmate. Ons staan bekend as die gemeente wat omgee. Ons bedien tans 350 kinders tussen die ouderdom van 2 jaar en 12 jaar en ons kinderbediening is een van die belangrikste fokusareas in die gemeente.

Kandidaat se profiel:

• ’n Persoon wat passievol is oor sy/haar verhouding met die Here en wat kan inpas by die teologiese raamwerk en roeping van ons gemeente. Onderskryf en uitleef van die gereformeerde teologie.
• Toepaslike kwalifikasies en bewese ondervinding met kinderwerk sal in ag geneem word.
• ’n Passie en gawe om kinders geestelik te begelei en toe te rus om in ’n verhouding met die Here te leef.
• Moet beskik oor goeie kommunikasievaardighede om effektief met die ouers en kinders te kommunikeer en lesse aan te bied.
• Beskik oor bewese goeie organisatoriese en administratiewe vaardighede.
• Moet multimedia- en rekenaarvaardig wees.
• Vermoë om in spanverband te kan werk.
• Moet leiers kan identifiseer en toerus vir die kinderbediening.
• Moet bereid wees om verdere opleiding in kinder- en jeugwerk te ondergaan.
• Aktiewe deelname en reël van kampe en uitstappies.
• Die voertaal moet Afrikaans wees.

Posbeskrywing:

• Bestuur en organisering van die kinderbediening onder leiding van die verantwoodelike predikant en in samewerking met die kinderbedieningvoorsitter.
• Kreatiewe aanbiedings by kinderdienste.
• Verantwoordelik vir die beplanning, voorbereiding en uitvoering van alle aktiwiteite wat met die kinderbediening verband hou.
• Reël van kampe, uitstappies, vakansieprogramme, Kinderpinkster en uitreike vir die kinders.
• Goeie kommunikasievaardighede met die ouers en die kinders.
• Kommunikasie in samewerking met mediapersoon aangaande die kinderbediening.
• Deurlopende bou en toerus van ’n leierspan en kategete vir die kinderbediening.
• Verteenwoordig die kinderbediening by gemeente-aktiwiteite.
• Bywoon van weeklikse leraarsvergadering.
• Skakeling met skole, kleuterskole en kultuurorganisasie en bewegings waar nodig.
• Gereelde gesprek met die leraar wat die kinderbediening hanteer.

Salaris en ander voordele:

• Salaris: Op aanvraag beskikbaar.
• Werksure: Voltyds – Die werksure word bepaal in oorleg met werkgewer tydens onderhoud.
• Verlof: 20 dae per jaar.
• Bereid wees om ’n polisieklaring te ondergaan.

Kandidate met die volgende ervaring/studierigtings word uitgenooi om aansoek te doen:

• Diensleraar.
• Onderwyser.
• Proponent.
• Besig met teologiese opleiding.
• Onderrig van kinders.

Aansoeke sluit 28 September 2023. Aanstelling 1 Desember 2023.

Stuur asb ’n e-pos aan bestuur@ngelarduspark.org.za om die vrae te ontvang wat die aansoek moet vergesel.

Aansoeke moet voor of op 2023/09/28 per e-pos gestuur word aan: bestuur@ngelarduspark.org