Gemeente Gaborone ontvang graag aansoeke vir ’n tweede werksruimte.

SLUITINGSDATUM: 26 September 2023.

’n Suksesvolle kandidaat bedien die Afrikaans- en Engelssprekende gemeente van ongeveer 120 gesinne, asook die breër gemeenskap. Die Gemeente Gaborone beskik oor ’n dinamiese en diverse werkende gemeente wat saamgestel is uit ‘expats’ en permanente burgers, met lidmate wat afkomstig is van verskillende denominasies. Van aansoekers sal vereis word om ’n uitgesproke volgeling van Jesus te wees; te beskik oor voltooide opleiding aan ’n tersiêre instansie; bereid te wees om te verhuis na Botswana; dinamies; roepingsbewus; nie-diskriminerend en ’n bevoegde prediker en evangelis te wees.

Die twee werksruimtes dien parallel saam in die gemeente volgens gawes en pligstaat, soos uiteengesit deur die geloofsleiers en gemeente. Vergoeding is op ’n volsorgbasis wat behuising, medies, motortoelaag, pensioen, selfoon en kontantdeel insluit.

Aansoeke: Aansoeke aan Miranda de Wet: mi@dwddrilling.com

Aansoeke sluit op 26 September 2023 en moet vergesel wees van ’n verkorte CV wat die kontakbesonderhede van twee referente insluit.

Die suksesvolle kandidaat se permitproses om in Botswana te kan woon en werk begin onmiddellik nadat die beroep aanvaar is.