Die kerkraad van die NG Gemeente Kerkenberg stel die vakature vir ’n vastetermynpos (twee jaar) bekend en wag biddend in afhanklikheid van die Here  aansoeke in.

GEMEENTEPROFIEL:

• Die NG Gemeente Kerkenberg is een van twee kleinerwordende plattelandse gemeentes op Harrismith in die pragtige Oos-Vrystaat.
• Kerkenberggemeente bestaan uit ongeveer 286 belydende lidmate waarvan die helfte ouer as 55 jaar is en 46 dooplidmate, verdeel in twee plaaswyke, sewe dorpswyke en een ouetehuiswyk.
• Harrismith beskik ook oor ’n privaathospitaal, provinsiale hospitaal, pre-primêre, primêre en hoërskool.

LERAARSPROFIEL: Die proponent, leraar of emeritus wat die genade ontvang het om in die Here se diens te staan moet:

• Empaties meelewend wees in ’n plattelandse gemeente en gemeenskap met sy besondere uitdagings.
• Die gereformeerde grondslag en die Bybel as Woord van God onderskryf en verkondig.
• Artikel 9 van die Kerkorde dien as riglyn vir die ampspligte.
• Die strukturering, organisering en implimentering van die kerkraad, die bedieninge en die wyksfunksionering as belangrike prioriteit beskou.
• Die doen van huisbesoek en pastorale versorging van die lidmate is baie belangrik.

VERGOEDING:

• Die Totale Koste van Indiensneming (TKVI – maksimum R500 000,00 pj, dertiende tjek ingesluit).
• Pastorie is beskikbaar.

AANSOEKE:

• Belangstellendes voorsien die kerkraad van ’n volledige CV. (Proponente wat 2023 gelegitimeer word is ook welkom om aansoek te doen).
• Rig aansoeke aan: Die kerkraad van NG Kerk Kerkenberg.

E-pos: ngkerkenberg@gmail.com

• Sluitingsdatum:15 November 2023.
• Kandidate moet beskikbaar wees vir ’n moontlike onderhoud en preekbeurt.

NAVRAE:

Voorsitter: Ouderling Fien Beukes (082 559 7676) – Konsulent: Ds Gert Victor (082 459 2134) – Brugleraar: Ds Sollie Pretorius (083 499 1103) – Saakgelastigde: Rita Schoeman (083 399 0943).

Die kerkraad behou die reg voor om nie ’n aanstelling uit die aansoeke te maak nie.