Die kerkraad wag in afhanklikheid aansoeke in vir die onderstaande pos.

Vakature: Jeugwerker/jeugleraar

Sluitingsdatum: 25 Januarie 2024.

Dienstermyn: Kontrakpos.

Gemeenteprofiel: NG Alberton-Suid is ’n dinamiese voorstedelike gemeente met talle omliggende skole.

Aansoekerprofiel:

Ons nooi alle proponente/jeugwerkers/diensleraars met jeug as spesialiteit om aansoek te doen. Aanvoeling vir die Jeug- en Gesinsbediening is ’n vereiste. Moet in spanverband kan werk en oor goeie kommunikasievaardighede beskik. Moet relevant tot die jeugkonteks wees en ’n multi-generasionele gerigtheid op gesinsbediening hê. Verhoudingsgerig sodat mentorskap gevestig kan word. Vernuwend, innoverend en aanpasbaar.

Pligte:

• Moet hom/haarself kan uitleef in ’n dinamiese gemeente.
• Kinderoomblike of gesinspreke kan lewer.
• Die uitbou en versterking van jongmense se geloof.
• Kweek van ’n geloofstuiste vir gesinne vanaf doeke tot diplomas.
• Betrokkenheid by skool.
• Jeug- en gesinsbediening organiseer wat insluit geestelike, sosiale en uitreikaksies.
• Mentorskap vir vrywillige leiers.
• Pligte soos deur posbeskrywing omskryf.

Vergoeding en voordele:

Mededingende vergoedingspakket sal aangebied word, met inagneming van opleiding en ondervinding.

Aansoek: Alle aansoeke moet vergesel word van ’n volledige CV. Asook ’n skakel na ’n aanlyn preek gerig op gesinne. Kandidaat moet beskikbaar wees vir moontlike psigometriese toetsing.

Diensaanvaarding: 1 Maart 2024.

Navrae:

• Ds Natalia Strydom 082 675 7558.
• Koos Meyer 083 290 3063.

Die kerkraad behou die reg voor om nie ’n aanstelling uit die aansoeke te maak nie.