Die NG Kerk in Suid-Afrika (Sinode van Wes-Kaapland) stel hiermee ’n vakature bekend vir die voltydse pos van PSD: Sinodale Kommissie vir Diens van Barmhartigheid (SKDB), standplaas Bellville-kantoor. Die geskikte persoon is ’n gelegitimeerde predikant wat beskik oor die vermoë om pligte op ’n deelnemende wyse, met behulp van en in oorleg met verskeie individue / spanne / spesialiste, suksesvol uit te voer. Die posbekleër rapporteer aan die SKDB. 

Primêre verantwoordelikhede

• Bestuur die funksionering van Diensgroep: Diaconia (gesamentlike bediening van die NG Kerk Wes-Kaapland en die VGKSA Kaapland).
• Noue samewerking met PSD: Sinodale Kommissie vir Diakonale Dienste (VGKSA). 
• Beïnvloed en begelei die praktyk van gemeentediakonaat in ’n missionale kerkbegrip op alle vlakke (sinodaal, ringe, gemeentes, in vennootskappe). 
• Ontwikkel kernvennootskappe (wat insluit: Badisa, Goeie Hoop Behuisingsmaatskappy (GHBM), ea). 
• Deelname binne sinodale netwerke. 
• Doen navorsing en ontwikkel strategie en diakonale modelle. 
• Ondersteuning en bemagtiging (instaatstelling) van diakonale leiers. 
• Ondersteuning en uitbou van al die taakspanne van die diensgroep. 
• Verseker ’n goeie kommunikasiestrategie en platform tussen netwerke, gemeentes ens. 
• Amptelike verteenwoordiging van die sinode en diensgroep in toepaslike liggame. 
• Bestuur begroting en finansies van die diensgroep.
• Bestuur personeel en vrywilligers. 
• Oorsien die bestuur van SKDB eiendomme.

Minimum vereistes

• Gelegitimeerde predikant.
• Bewese ervaring (minimum 10 jaar) in gemeentes of relevante werksomgewings.
• Kennis met betrekking tot eiendomme en die bestuur daarvan.
• Etiese en waardegedrewe lewensbeskouing en handhawing van Christelike waardes.
• Blootstelling in die Sinodale struktuur sal voordelig wees.
• Ervaring en kennis met betrekking tot missionale diakonaat.
• Ervaring in NG Kerk se barmhartigheidsdienste.
• Sterk teologiese (missionale diakonaat) agtergrond en insig.
• Goed ontwikkelde finansiële insig en syfervaardigheid.
• Vaardighede en kennis ten opsigte van die skep en uitbou van netwerke en verhoudings.
• Uitstekende tweetalige kommunikasievaardighede (Afrikaans en Engels).
• Deelnemende leierskapsvaardighede.
• Sterk organisatoriese, bestuurs- en administratiewe vaardigheid.
• Uitstekende probleemoplossing- en besluitnemingsvaardighede en innoverende denke.
• Fasilitering- en onderhandelingsvaardighede.
• Goeie vaardighede met betrekking tot diversiteitsbestuur.
• Roeping om gemeentes in hulle dienswerk te ondersteun en uit te bou.
• Uitstekende menseverhoudings.
• Behulpsaam en geduldig.
• Dinamies en selfgedrewe.
• Selfstandig en selfhandhawend.
• Hoë vlakke van emosionele intelligensie.
• Vermoë om onder druk te presteer en konflik te hanteer.
• Georganiseerd en deeglik.
• ’n Passie en visie vir die sistemiese verligting en opheffing van armoede en ander vorme van  sosiale nood.
• Etiese waardesisteem.
• Beliggaamde diakonale spiritualiteit.

Sluitingsdatum: 15 Januarie 2024 teen 16:00.

Diensaanvaardingsdatum: 1 April 2024.

Navrae: PSD: Diaconia (Nioma Venter), kontakbesonderhede: 021 957 7109 of  nioma@kaapkerk.co.za

Aansoekproses:

Die aansoekvorm, advertensie en posbeskrywing kan by die volgende skakel gevind word:  https://www.kaapkerkadmin.co.za/poste/

Stuur die aansoekvorm saam met ’n volledige CV aan: Hulpbronbeampte (Elmien Theron)

E-pos: ngkadmin@kaapkerk.co.za (E-pos opskrif: Aansoek – PSD: Sinodale Kommissie vir Diensgroep Barmhartigheid (Kandidaatnaam)

Neem asb kennis dat die Sinode van Wes-Kaapland se kantore sluit vanaf 14 Desember 2023 tot 14 Januarie 2024 en terugvoer op aansoeke sal daarna gestuur word. 

Vergoeding:

Markverwante vergoeding sal bepaal word volgens die bestaande riglyne van die Sinode van Wes-Kaapland asook gebaseer op ondervinding en kwalifikasies van die aansoeker.

Bevestiging van PSD: 

Die suksesvolle kandidaat sal bevestig word as PSD in die NG Kerk.