Kaapkerk het in Julie begin met ’n nuwe podsendinggesprekreeks, “By die Braambos”. Die reeks bestaan uit weeklikse episodes waarin dr Braam Hanekom met ds DJ Muller gesels oor belewenisse vanuit sy eie lewe wat hy ervaar het as “heilige oomblikke in die alledaagse”.

Muller verduidelik in die eerste episode die braambos “is ’n metafoor vir oomblikke waar die hemel eintlik deurbreek op die aarde. Dit het te doen met heiligheid … heiligheid in die alledaagse. Ek en Braam wil so bietjie kyk na hierdie heilige oomblikke in die alledaagse.”

In die eerste episode vertel Hanekom dan van sy ervaring om by die onlangse inhuldiging van die president by die Uniegebou in Pretoria te wees en kort daarna tyd te spandeer saam met sy gesin. Hy vertel dat hy dankbaar is vir ’n gesin by die huis sowel as vir ’n gesin van mede-landsburgers.

Bron: Klank Kompas